அசாம் கல்லூரி மாணவர்கள் 7 பேர் விபத்தில் உயிரிழப்பு https://ift.tt/jSp61uA

குவாஹாட்டி: அசாம் மாநிலத்தின் குவாஹாட்டி நகரில் மினி லாரி மீது கார் மோதிய விபத்தில் 7 பொறியியல் மாணவர்கள் உயிரிழந்தனர். மேலும் 6 பேர் காயம் அடைந்தனர்.

அசாம் மாநிலத்தின் குவாஹாட்டி நகரில் அசாம் பொறியியல் கல்லூரியில் மூன்றாமாண்டு படிக்கும் 10 மாணவர்கள் நேற்று காலையில் ஒரு காரில் கல்லூரி வளாகத்தை விட்டு புறப்பட்டனர். காரில் அதிக வேகத்தில் இவர்கள் சென்றதாக தெரிகிறது. இந்நிலையில் நகரின் ஜலுக்பாரி மேம்பாலம் அருகில் இவர்களின் கார் கட்டுப்பாட்டை இழந்து, எதிரில் வந்த மினி லாரி மீது மோதியது. இதில் கார் முற்றிலும் உருக்குலைந்து, 7 மாணவர்கள் அதே இடத்தில் உயிரிழந்தனர். மேலும் 3 மாணவர்களும் மினி லாரியில் வந்த மூவரும் படுகாயம் அடைந்தனர். இவர்கள் குவாஹாட்டி மருத்துவக் கல்லூரி மருத்துவமனையில் அனுமதிக் கப்பட்டுள்ளனர்.

from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்